डिप्रेशन उपचार

  वाढत्या अपेक्षा,स्पर्धा यांमूळे नैराश्य(depression ) येणे दिवसेंदिवस वाढत आहे. मानसोपचार तज्ञाकडे जाणे, Anti depressant गोळ्या खाणे हे यावरील उपचार आहेत. परंतु हा आजार आपल्या जीवनशैली किंवा आपल्या सभोवतालच्या वातावरणाचा परिणाम असू शकतो.
    त्यावरील साधेसोपे उपाय साध्या शब्दात आपण समजून घेऊ. योगासने प्राणायम दररोज करणे हा यावरील खुप महत्वाचा उपचार आहे. खरतर योग ही साधना आहे. नियमीत योग करणारे मानसिक दृष्ट्या संतुलित असतात. चल पद्धतीचे व्यायाम जसे की सायकलींग, चालणे, पोहने यामुळे antistress antidepressant हार्मोनस तयार होतात. त्यामुळे नियमीत व्यायाम करावा. आवडता एखादा छंद जपने आपल्या आवडीच्या गोष्टी करण्याने मन आनंदीत राहत. रात्री झोपताना शास्त्रीय राग ऐकण्याने शांत झोप लागते मनावरील अनावश्यक दडपण कमी होत. आवडीचे संगीत नियमित ऐकल्यास देखील फायदा होतो. आध्यात्मिक असण किंवा अध्यात्मिक पुस्तके वाचणे, गुरूंच मार्गदर्शन घेण्याने स्वतःवरील विश्वास वाढीस लागतो. सकारात्मक पुस्तके वाचणे विचार ऐकणे याने मन सकारात्मक विचार करायला लागते. चांगले मित्र मैत्रीण बरोबर गप्पा मारणे आपले प्राॕब्लेम त्यांच्याशी शेयर करणे कधीही चांगलच. हिरवा रंग मनाला तजेला देत त्यामुळे ८-१५ दिवसात एखादा ट्रेक करणे शेतात जाणे अथवा दररोच गार्डनिंग करणे. कुत्रा मांजर यांसारखे पेट असणे आपली एकटे पणाची भावना नष्ट करते. पुष्पऔषधीमध्ये सगळेच औषधे अत्यंत उपयोगी आहेत आपण स्वतःचे स्वतः घेऊ शकतो त्याचा कुठलाही दुष्परिणाम नाही. हिरव्या भाज्या सिजनल फळे खाणे, फास्टफुड टाळल्याने पोट चांगले राहते आणि साहजिकच त्याचा फायदा मेंदूला होतो. खरतर या सर्व गोष्टी करण खुप सोप आहे पण आपण वेळेच कारण देऊन टाळत राहतो after all knowing is knowing and doing is doing. जीवनात स्पर्धा असणे गरजेचे आहे पण ती निकोप असावी. इतरांची तुलना टाळा. परिक्षा, प्रेमभंग, नोकरी, आजारपण अथवा इतर कुठल्याही कारणाने नैराश्य आल तरी वरीलप्रमाणे गोष्टी करा.जीवन सुंदर आहे आणि यांसमोर या गोष्टी शुल्लक आहेत.

Ayurveda for constipation,hyperacidity,indigestion.

आजकाल धावपळीच्या युगात पोटाच्या तक्रारींचे प्रमाणात वाढ होतेय. प्रवास,बाहेरचे खाणे,मसालेदार खाण्याने

अपचन,बद्धकोष्ठता,मुळव्याध, ऍसिडिटी , पित्त

यासारखे त्रास होतात.

आवळा ज्युस- रोज सकाळी आवळा ज्युस घेतल्याने पित्त कमी होते. आवळा क जीवनसत्वाने समृद्ध आहे.

मोरावळा- मोरावळादेखील पित्तशामक आहे. सकाळी एक चमचा घ्यावा.

त्रिफळा चुर्ण- त्रिफळा चुर्ण उत्तम विरेचक(laxative) आहे. रोज संध्याकाळी कोमट पाण्यात १-२ चमचे घेतल्याने पोट साफ राहते. अपचन, गॅसेस , पोट फुगने, जळजळ करने यावर नियमित घेतल्यास अत्यंत उपयुक्त आहे.

गंधर्व हारितकी चुर्ण- हे चुर्ण संध्याकाळी कोमट पाण्यात घेतल्यास जुनाट बद्धकोष्ठता कमी होते. ज्यांना जोर लावावा लागतो त्यांच्यासाठी उपयुक्त.

एरंडेल तेल- पोळ्यांच्या कणकेमध्ये १-२ चमचे टाकल्यास पोट साफ राहण्यास मदत होते. आठवड्यातून एकदा १-२ चमचे कोमट पाण्यातून घेतल्यास जुलाब होऊन कोठा साफ होतो.

अविपत्तिकर चुर्ण- मळमळने, छातीत जळजळणे, घशाशी येणे, अपचन यांमध्ये उपयुक्त. सकाळ संध्याकाळ १ चमचा पाण्यात आथवा मधासोबत घेता येते.

हिंगावस्टक चुर्ण- भुक न लागणे, खाण्याची रुची जाणे, अपचन यांमध्ये गुणकारी आहे. सकाळ संध्याकाळी जेवणापुर्वी १ चमचा कोमट पाण्यातून घ्यावे.

बिल्वावलेह- रोज खाल्ल्याने पोटातील कळा मारने कमी होते. अँटीबायोटीकमूळे होणाऱ्या पोटदुखीवर प्रभावीपणे काम करते.

ओवा- पोट गच्च  होणे, गॅसेस होणे यामध्ये कोमट पाण्यात ओवा घेतल्यास त्वरित आराम मिळतो.